![](/images/content/2013-04-029.jpg)
我對印尼人都頗有好感,家姐屋企的姐姐便是印尼人,雖然她做事有點亂衝亂撞但卻帶點傻勁, 例如有次約了她在地鐵站等,她一見到我,無端跑起衝埋嚟; 有一次她幫我搬一個載滿東西的大行李箱上五層樓梯, 我未及告訴她個行李相好重, 她便二話不說將個行李箱上膊, 連人帶行李箱急步上咗五層樓!
十年前第一次出差去峇里,記得在路邊小檔買東西, 我數錯咗面額好大的鈔票, 誤把100蚊當10蚊, 但店員卻告訴我並提醒我點樣睇啲鈔票, 今次亦是, 餐廳員工又提我要小心睇鈔票, 小心畀多咗錢!
今次到印尼Komodo潛水, 鄭和號的十多名船員, 服務細心又殷勤, 見我們有需要幫忙便立刻撲上來, 有什麼要求也唔會托手踭處事十分flexible, 服務態度一流。 之後stay behind 峇里島, 更遇上兩個令我印象深刻的印尼男士, 一個是咖啡店的咖啡師, 另一個是我入住的Ametis Villa的管家, 他們這份對工作的真心熱愛和享受其中,實在欣賞。
待續…
|