喜歡住Villa, 因為喜歡有種回家的感覺, 因為villa都佈置得如同一個真實的家, 由房間、客廳和廚房都會放上各式家品, 這樣就可以幻想自己的屋企都是這樣吧!
今次住的峇里Villa-Ametis, 跟四年前度蜜月的Gangsa, 感覺差唔多, 不過Gangsa則是兩層別墅, 但我個人來說就喜歡單層多一點, 因為除了行街, 入到酒店房其實行多步都懶, 腰骨又變得軟來, 一入屋就好想搵地方可以靠依和攤抖, 我絶對不會花多半點腳骨力行上二樓的!
很喜歡Ametis, 但看其網頁, 其實一點也不出眾, 位於滑浪勝地Canngu, 離第二旺區Seminyak需15分鐘車程, Villa自知不夠方便, 所以講到明提供免費24小時私人專車私人接送, 往返Canngu及Seminyak。雖然我都未至於玩嘢到半夜三更叫車出去, 但總算佢係夠誠意, 沒有限時限刻夠大方。
其實未入住前, 酒店的管家巳發電郵給我 (其實都係酒店有專人發的), 更連同一張管家的相片, 讓我們一到埗在機場認得誰人會來接我們，又附上活動和spa menu，十分細心, 未入住我巳加分!
共有14個villa的Ametis只得三個別墅種類, 分別是我們住的入門級Premier villa, 另一款則是Imperial villa, 另只得一個係三房兩層的villa, 適合幾個家庭或一班朋友, 更可在這裡舉行小型婚禮。
我們入住的premier villa面積是最細的, 但其實都有3,500呎, 高一級的Imperial villa則有4000呎, 喜歡全個villa大得來並非大而無當, 睡房很大, 最喜歡很大的day bed, 管家稱它為lazy bed, 真是一坐下便不願起身, 旁邊就係一張好長的書枱, 擺放電腦最好不過, 然後把東西攤出嚟, 好多地方擺嘢, 讚!
浴室跟大部份的峇里villa一樣, 採半開放式, 並無冷氣, 第一天到埗時, 因為下了幾天雨, 所以很多蚊, 連睡房都有蚊, 第一晚仲咬到我豬頭咁, 左眼腫到劃唔到眼線! 幸好之後幾日好天, 我又叫管家在床邊點蚊香, 就好好多了!
不過我就最喜歡浴室的躺門, 對著浴室的一面和對著房間的另一面都有一個超大連身鏡, 出出入入著住新衫可以左照右照, 自戀一番! 因為浴室夠大, 我更有兩晚在浴室內做瑜伽, 即使沒有瑜伽墊, 但地磚也不太跣。
住Villa我最重視泳池, 我就十分滿意villa內的泳池, 因它不是游兩步要轉身這種, 而係長13米, 深都有1.4米, 足以keep fit。很多villa的泳池, 因被高牆包圍著, 陽光射不到泳池, 所以池水全日都係好凍, 但我們住的OPAL(Ametis所有villa都用唔同寶石命名的)早上便有陽光射入屋, 池水夠暖又可以曬住游水!
講到客廳, 都係全開放的, 即係無冷氣, 不過我們通常只在這裡吃早餐, 而早上尚算清涼, 而最後一晚在這裡呢in villa BBQ, 點了蚊香亦無被咬!
其實最喜歡是Ametis的服務, 其一流的管家服務以及食到飽的免費早餐、下午茶甜品、任飲mini bar以及黃昏雞尾酒及小食, 好似講極都唔完, 待續.......
Ametis以這條優雅的木道貫穿!
Ametis的lobby, 也很有家的感覺!
除了擺設, 客廳還擺放鮮花
每間villa都用不同的寶石命名, 我們住的是opal
Ametis package details: http://www.xpertholidays.com/en/Package.asp?Pid=2675
|
